Maktabimizning iqtidorli o‘quvchilari

0
490

Islombekov Muxammadamin “ Imom al-Buxoriy nomidagi Kichik Akademiya”da “Yurak!!! Insonga kerak! ”mavzusida o‘z ilmiy ishini yoqladi    

Muxammadamin 8 yoshda. U maktabimizning 2-A sinfida ta’lim oladi. A’lo baholarga o‘qishi bilan bir qatorda u juda ko‘p yangi bilimlarni egallash maqsadida turli ensiklopediyalarni mutolaa qiladi. Kelajakdagi orzusi maktabni tugatib, tibbiyot oliygohida o‘qish va yaxshi yurak jarrohi bo‘lish. Bu kasbga u yoshligidan  qiziqadi. Chunki uning bobosi Yakubov Ubaydullo Yakubovich  shu sohaning malakali mutaxassisi bo‘lib, bugungi kunda ham insonlarning  sog‘ligini tiklashda katta hissa qo‘shmoqda. Muxammadamin o‘zining ilmiy ishida   o‘z tengdoshlariga  yurak tuzilishi  va uni asrash yo‘llari , sog‘lom turmush tarzi, foydali mahsulotlarni iste’mol qilish, zararli barcha narsalardan o‘zini asrash haqida qiziqarli ma’lumotlar berdi.  Muxammadamin tomonidan ko‘rsatib berilgan  rangli fotojamlanmalar, arxiv ma’lumotlari o‘quvchilarda katta qiziqish uyg‘otdi.  Muxammadamin hali juda yosh bo‘lishiga qaramay o‘z tanlagan mavzusini juda qiziqarli, maroqli tushuntirib bera oldi.

Yana bir yangilik! Kuni kecha Muxammadamin o‘z oila a’zolari bilan birgalikda  “Qiziqarli anatomiya” innovatsion interfaol kitob ixtiro qilib, maktabga sovg‘a qildi.

  

Ushbu kitobda  inson organizmi qanday tuzilganligi haqida juda ko‘p qiziqarli ma’lumotlar berilgan. Ushbu kitob o‘quvchilarimizda katta qiziqish uyg‘otdi.

 

Mazkur ilmiy ish va u yaratgan kitob Kichik akademiyaning ilmiy kengashi va ota-onalar tomonidan yuqori baholandi. Muxammadaminning kelajakda o‘z orzusiga erishib, yaxshi shifokor darajasiga erishishida omadlar tilaymiz!

LEAVE A REPLY

Please enter your comment!
Please enter your name here